පානදුර වලාන පාලමෙන් ඊයේ (26) පස්වරුවේ බොල්ගොඩ ගඟට පැන ඇති එක්දරු මවක දියේ ගිලී මියගොස් ඇති බව පානදුර රෝහල් පොලිසිය සඳහන් කරයි. පානදුර, නල්ලූරුව ප්‍රදේශයේ පදිංචිව සිටී ලලනී දීපිකා ප්‍රනාන්දු නමැති 53 හැවිරිදි එක්දරු මවක මෙසේ මියගොස් ඇති බව පොලිසිය කීය.
කොළඹ කළුතර දිස්ත්‍රික් යාකරන පානදුර වලාන පාලමේ පානදුර දෙසින් අත් බෑගය සහ පාවහන් යුවළ පාලම මත ගලවා තබා බොල්ගොඩ ගගට පැන ඇති කාන්තාව රළ පහරට හසුව ගසාගෙන ගොස් ඇති අතර, අසල සිටී පලතුරු වෙළෙන්ඳකු විසින් පිහිනා ගොස් ගොඩගෙන ඇති බව පැවසේ.
ජලය පෙවී සිටී කාන්තාවක පානදුර මූලික රෝහලට රැගෙන ගොස් ඇති අතර, රෝහල් ගතකිරීමේදී මියගොස් ඇති බව පැවසේ.
මියගොස් ඇති කාන්තාවගේ එකම දියණිය මෑතකදී විවාහවී ඇති බවත්, ඔවුන්ගේ පවුල් ජීවිතය සම්බන්ධයෙන් මතුව ඇති ගැටලුවක් හේතුවෙන් ඇය තරමක සිත් වේදනාවෙන් සිට ඇති බවත් පැවසේ.
මෘතදේහය පශ්චාත් මරණ පරීක්ෂණය සඳහා පානදුර මූලික රෝහලේ තැන්පත් කර තිබේ.
The post එකම දියණියගේ විවාහයට සිත් තැවුලෙන් මව බොල්ගොඩ ගඟට පනී appeared first on දිනමිණ.
Source:: Dinamina