බණ්ඩාරවෙල දුම්රිය ස්ථානයේ අභිනවයෙන් ඉදි කරන ලද මාර්ගෝපකරණ කාමරය, විදේශීය සංචාරක විවේකාගාරය, ආපණ ශාලාව ඇතුළු නව ගොඩනැඟිලි සංකීර්ණය ජනතා අයිතියට පත් කිරීම ඇමැති ආචාර්ය බන්දුල ගුණවර්ධන මහතාගේ ප්‍රධානත්වයෙන් සිදු කෙරිණි.
1893 ස්ථාපනය කරන ලද ශ්‍රී ලංකාවේ ආකර්ෂණීයම දුම්රිය ස්ථාන අතරින් එකක් වන බණ්ඩාරවෙල දුම්රිය ස්ථානය පරිහරණය කරන විදේශීය සංචාරකයින් ඇතුළු මගී ජනතාව වෙනුවෙන් සලසන පහසුකම් තවදුරටත් පුළුල් කිරීමේ අරමුණින් සංචාරක හා ඉඩම් අමාත්‍යාංශයේ මූල්‍ය ප්‍රතිපාදන සහිතව දුම්රිය දෙපාර්තමේන්තුව විසින් මෙම නව ගොඩනැඟිලි සංකීර්ණය ඉදි කර තිබේ.
මෙම අවස්ථාවේදී අදහස් දැක්වූ ඇමැති ආචාර්ය බන්දුල ගුණවර්ධන මහතා මෙසේ පැවසීය.
බණ්ඩාරවෙල දුම්රිය ස්ථානය පදනම් කර ගනිමින් ප්‍රදේශයට නව අගයක් එකතු වන මෙම අවස්ථාවට දායක වීමට ලැබීම පිළිබඳව විෂය භාර ඇමැතිවරයා ලෙස මා සතුටට පත්වනවා. උඩරට දුම්රිය මාර්ගය පදනම් කර ගනිමින් මෙම ප්‍රදේශය ලෝකය පුරා සංචාරකයන් අතර අතිශය ජනප්‍රියත්වයට පත්ව තිබෙනවා. ඒ තුළින් මෙරටට පැමිණෙන විදේශීය සංචාරකයන් හරහා විශාල ඩොලර් ආදායමක් රටට හිමි වනවා මෙන්ම ප්‍රදේශයේ නිෂ්පාදන සඳහා ද විශාල ඉල්ලුමක් සහ ආයෝජන ප්‍රමාණයක් ඇති වෙනවා. ඍජු හා වක්‍ර රැකියා විශාල ප්‍රමාණයක් බිහි වෙනවා. එය ජනතාවගේ ජීවන තත්ත්වය ඉහළ නැංවීම සඳහා විශාල ලෙස උපකාරි වෙනවා.
සංචාරකයන් ඉලක්ක කරගත් ඉහළ ගුණාත්මක පහසුකම් ප්‍රදේශය තුළ වඩා වර්ධනය කිරීම තුළින් සංචාරක ආකර්ෂණය ද වැඩි කර ගත හැකි වෙනවා. දුම්රිය දෙපාර්තමේන්තුවට සංචාරක ආකර්ෂණය සඳහා විශාල ආයෝජනයක් සිදු කිරීම සඳහා මූල්‍ය තත්ත්වයේ ගැටලු පවතිනවා. විෂය භාර ඇමැතිවරයා ලෙස මා මේ අමාත්‍යාංශයේ වගකීම භාර ගන්නා විට දුම්රිය දෙපාර්තමේන්තුවේ ආදායම බිලියන 2.6යි. එයින් 2.3ක් අතිකාල දීමනා සඳහා වැය වුණා. වැටුප් බිලියන 7යි. බිලියන දහයකට වඩා වැඩි අලාභයක් දුම්රිය දෙපාර්තමේන්තුව දරනු ලැබුවා. දෙපාර්තමේන්තුවේ සියලු දෙනාගේ දායකත්වය ද ලබා ගනිමින් අප ක්‍රියාත්මක කළ නව වැඩ පිළිවෙළ තුළින් ආදායම බිලියන 13ක් දක්වා වැඩි කර තිබෙනවා. වාර්ෂික වියදම බිලියන 36 දක්වා අඩු කර තිබෙනවා.
රටක් වශයෙන් මුහුණ දී ඇති ආර්ථික අර්බුදයට විසඳුම් සපයා ගැනීම සඳහා විදේශීය වශයෙන් ණය ලබා ගැනීමට නොහැකි අවස්ථාවක දේශීය පෞද්ගලික අංශය සමඟ හෝ විදේශීය ආයෝජකයන් සමඟ එක්ව මෙම තත්ත්වයෙන් මිදීමට මාර්ග සොයාගත යුතුයි. ඒ අනුව සංචාරකයන්ට …read more
Source:: Dinamina