කළුතර බන්ධනාගාරයේ රඳවා සිටින සැමියාට ලබා දීම සඳහා හෙරොයින් මත්කුඩු කලිසම් වාටියක සඟවාගෙන පැමිණි කාන්තාවක්, මාස 7ක් වයසැති පිරිමි දරුවකු සමඟ කළුතර උතුර පොලිසිය විසින් අත්අඩංගුවට ගනු ලැබ තිබේ. වාද්දුව, වේරගම, අල්විස්වත්ත ප්‍රදේශයේ පදිංචිව සිටි 36 හැවිරිදි කාන්තාවක් මෙසේ අත්අඩංගුවට පත් විය. හෙරොයින් මත්කුඩු සම්බන්ධයෙන් වූ නඩුවකට කළුතර, මල්වත්ත බන්ධනාගාරයේ රඳවා සිටින සැමියාට ලබා දීමට මත්කුඩු මිලිග්‍රෑම් 2,500ක් කොට කලිසමක වාටියේ සඟවාගෙන පැමිණ සිටියදී බන්ධනාගාර නිලධාරීන්ගේ නිරීක්ෂණයට ලක්ව ඇති බව පොලිසිය කීය. සැකකාරිය කළුතර මහේස්ත්‍රාත් අධිකරණයට ඉදිරිපත් කිරීමට නියමිතව තිබුණි.
ස්ථානාධිපති ප්‍රධාන පොලිස් පරීක්ෂක දමිත් ජයතිලක මහතාගේ උපදෙස් පරිදි අපරාධ අංශ නිලධාරීහු පරීක්ෂණ පවත්වති.
The post හිරේ ඉන්න සැමියාට මාස 7 දරුවත් අරන් කුඩු ගෙනා කත අල්ලයි appeared first on දිනමිණ.
Source:: Dinamina